17au CONCORS BIGORDAN D’EXPRESSION GASCONA

CONSEIL GENERAL DES HAUTES-PYRENEES
17au CONCORS BIGORDAN D’EXPRESSION GASCONA





REGLAMENT
Article 1
Eth Conselh Generau deras Hautas-Pireneas qu’organisa, en 2009, eth Detz e setau Concors
Bigordan d’Expression Gascona. Aquera auhèrta que vòu encoratjar a escríver en occitan,
en tot crear òbras ineditas o transcríver contes, hèitas o legendas transmetuts de
costuma pera tradicion orau.
Article 2
Era participacion ad aqueth concors qu’ei aubrida a tots, sense nada condicion d’atge o
de demorança. Eths tèxtes presentats que poderàn èster er’òbra d’autors individuaus o de gropes.
Era collaboracion de gropes escolaris de tots nivèus qu’ei hòrt esperada, e que serà tractada,
ath moment deth classament deths tèxtes, independentament deras participacions d’adultes.
Article 3
Entà participar, que cau mandar eth tèxte prepausat tath Conselh Generau per corrièr postal o
electronic. Eth mandadís que contenguerà, a despart deth tèxte, eth nom, eth atge, er’adreça, e
eth numèro de telefòn de l’autor. Aqueras informacions non pòden pas brica paréisher sus eth
madeish supòrt papèr qu’eth tèxte.
Aqueste que serà escriut en occitan gascon, ena grafia causida per eth autor, en vèrs o en pròse,
e que serà d’ua longor de ua a cinc paginas dactilografiadas (ua a ueit manuscritas).
Eths tèxtes escriuts a la man que son acceptats ena mesura on eths autors e’s sian esforçats de
balhà’us ua presentacion qui’n facilite era lectura.
Article 4
Eth tèma deth concors, entà 2009, qu’ei “ JÒCS E ESPÒRTS ”.
Qu’ei precisat qu’aqueth tèma ei prepausat entà balhar ua orientacion generau ath concors ad
entorn deths jòcs e espòrts de totas sòrtas. Eths autors qu’an donc totas possibilitats d’escríver
eths tèxtes en partir de hèitas vertaderas o imaginadas, actuaus o passadas.
Article 5
Eth Conselh Generau deras Hautas-Pireneas qu’establirà eth palmarès deth concors d’après eth
avís dera jurada de qui s’aurà constituïda, après aver classat eths participaires en categorias segon
era loa diversitat e’ra natura deras òbras. Eths tèxtes premiats que devengueràn de hèit
proprietat deth Conselh Generau, qui s’arresèrva eth dret d’utilisà’us entà çò que jutge utile, en
transcrivé’us eventuaument en grafia occitana classica.
Era remesa deths prèmi que’s harà au mes de junh pendent ua serada hestiva qu’eth Conselh
Generau organisarà en l’aunor dera creacion escriuta, orau e musicau en occitan.
Article 6
Eths tèxtes qu’auràn de parvénguer ath mes tard eth 31 de mars de 2009 tar’adreça aquesta :
CONSEIL GENERAL DES HAUTES-PYRENEES
Detz e Setau Concors Bigordan d’Expression Gascona
6 rue Gaston Manent – B.P. 1324
65013 TARBES Cedex 9
bernard.dubarry@cg65.fr

---